Одличниот хрватски кошаркар Анте Томиќ кариерата ќе ја продолжи во Хувентуд од Бадалона и ќе му биде соиграч на Ненад Димитријевиќ. Томиќ веќе десет години игра во Ендеса лигата каде што три години ги помина во Реал Мадрид и седум во Барселона.
Има огромно искуство и во Евролигашки натпревари и ќе биде од голема помош за тимот на Димитријевиќ во тековната сезона. Томиќ иако заминува од Барселона сепак останува во Каталонија и има просек од 10.2 поени и 5.9 скокови по натпревар. Кошаркарот потпиша договор на две години со опција за продолжување на уште една сезона.
