Димитар Јованоски освои прво ,неговиот тренер Никола Кутаноски освои трето место на Државното првенство на Косово, а воедно и отворено првенство на Косово во триатлон.Учество земаа 9 земји: Швајцарија, Полска, Франција, САД, Македонија, Австрија, Косово, Албанија и Црна Гора.
Оваа трка требаше да биде една од лесните трки за чување на кондицијата и одржување на ритамот со трки, меѓутоа поради зголемениот број на трки и патовања за нас, заморот беше очигледен па од Европскиот куп во Австрија до оваа трка имавме повеќе одмор и пливање само со малку трчање и возење велосипед. Ги подценивме сите противници пошто ја знаевме нивната форма од прошлите трки и наместо лесна трка испадна одлична многу јака и тензична трка..Димитар во спринт финиш го освои првото место.
Благодарение на мојот одличен ученик Димитар, кој е најдобриот триатлонец во последниве 3 години, ми помогна на велосипед , меѓутоа имав несреќа и го изгубив чипот на два пати. Со тоа ни се искомплицираа работите во текот на трката и мораше да се вратам да застанам, па да продолжам додека Димитар газеше напред со противникот . Ова е за мене прв подиум после операциите на препоните пред 7месеци..Благодарение на Диди,се надевам дека ке продолжиме со истиот ритам како пред 3 години. Огромна благодардност и до хирургот Д-р Никола Дуни за се што направи со мене да се вратам на патеките. Сега ни следува голем одмор пред Европскиот куп во Турција од 28 ми Јули до 1 август. – изјави Никола Кутаноски
