На почетокот на сезоната во италијанската Серија А, нашиот репрезентативец Елиф Елмас и неговиот соиграч Пјотр Зиелински боледуваа од КОВИД-19.
Поради оваа причина, натпреварот од третото коло помеѓу Јувентус и Наполи беше откажан. Исходот на мечот заврши во целосна полза на Јувентус, кој заработи три поени, ,,победувајќи” службено со 3-0. За ситуацијата да биде полоша, на Наполи дури му беше одземен и еден поен.
,,Аѕурите” веднаш испратија жалба и целиот случај се префрли во судниците. Денес беше донесена официјална и праведна одлука за овој меч да биде дополнително одигран, а досегашните решенија да бидат поништени.
,,Среќни сме. Живееме во држава во која оној што ги почитува законите, не може да биде казнет. Наполи секогаш ги почитува правилата” – објави на официјалниот Твитер профил Аурелио Де Лаурентис – сопственикот на Наполи.
