ЖКК Струга 2009 го совлада ланскиот шампион ЖКК Бадел 1862 со 56:49 (по четвртини 15:16; 09:18; 19:08; 13:07). Кај домаќините се истакнаа: Фее со 31 поени и 10 скокови, Модева 8 поени и 9 скокови, Зендели постигна 9 поени, 6 скока и 4 асистенции, Стојановска 5 поени, 2 скока и 4 асистенции и Муртазаи 3 поени. Кај гостинките најдобри беа Метју со 15 поени и 8 скокови и Димитријевиќ со 14 поени и 4 скока.
Најпрво сакам да им честитам на моите кошаркарки за одличната игра, на Бадел за фер и спортскиот дух и на публиката која е во голем број на секој натпревар. Натпреварот беше тежок со оглед на тоа што игравме против тим кој е лански шампион во сениорска конкуренција, поради што првото полувреме го одигравме премногу нервозно и премногу импресионирано, што резултираше со 10 кошеви негатива. Сепак во второто полувреме влеговме многу посмирено и поагресивно и ги стигнавме. Натпреварот беше рамноправен цели 38 минути, но во последните 2 минути ние бевме поконцентрирани и ја забележавме оваа многу важна победа. – изјави тренерот Ѓоровиќ.
