Денес селекторот на машката ракометна репрезентација Кире Лазаров ќе го има првиот собир на репрезентативците пред настапот на Светското првенство.Собирот на репрезентацијата е закажан на ден 20.12.2022 (вторник) во 11:30 h, Хотел Александар Палас во Скопје.
Машката сениорска репрезентација е дел од групата Ф заедно со репрезентациите Норвешка, Аргентина и Холандија, а натпреварите од групата се играат во Краков, Полска во „Таурон Арена“.
Сениорите настапот на IHF MEN’S WORLD CHAMPIONSHIP 2023 го започнуваат на 13.01.2023 против репрезентацијата на Норвешка во 20:30 часот.
Потоа следи дуелот против репрезентацијата на Холандија на 15.01 во 18:00 часот, а последниот натпревар од групната фаза е на 17.01 против Аргентина во 18:00 часот.
