Македонскиот ракометен првак Вардар доживеа нов СЕХА пораз. По неуспехот на гости кај Мотор Запорожје ,,Црвено-црните” гостуваа во Нашице против тимот на Нексе каде загубија со резултат од 36:32 и паднаа на третата позиција на табелата која носи осминафинале, наместо четвртфинале.
Голманот на Нексе, Морено Цар запиша 16 интервенции. Кај стрелците, Кевиќ и Јагањац имаа по 8 гола. Во таборот на македонскиот тим лидер беше Дибиров со 9 гола, пред Гаџа со 6 погодоци. Во последното коло од регуларниот дел Вардар гостува кај Војводина на 4 април, а претходно се игра одложениот дуел со Мотор Запорожје во Скопје на 19 март.
