Сара Ристовска и Никола Костески се единствените двајца македонски ракометари/ки кои успеаја изминатава сезона да се закитат со двојна круна.
Десното крило Сара Ристовска успеа со тимот на ЦСКА Москва да стигне до шампионската титула во првенството и да го освои Купот во Русија.
Додека нејзиниот колега по позиција на која настапува, Никола Костески стигна до двојната круна во шампионатот на Чешка. Тој со тимот на Талент Плзен го освои првенството и триумфираше во Купот на Чешка.
Бидејќи кај нас Ѓорче Петров стигна до титулата, а Куманово го освои Купот кај дамите, додека Еурофарм Пелистер стана шампион, а Вардар победник во Купот кај мажите, Сара и Никола годинава се единствените македонци со двојна круна.
