Комесарот за натпреварување, Александар Милојевиќ, ги утврди и термините за одигрување на натпреварите од завршниот турнир од Купот „Благоја Георгиевски-Буштур“ кој од 18 до 20. февруари ќе се реализира во салата на Спортско рекреативниот центар „Кале“ во Скопје.
На првиот натпреварувачки ден, 18. февруари (петок), ќе се одиграат четвртфиналните натпревари во машка конкуренција.Програмата стартува од 12. часот, со натпреварот Пелистер-ТФТ.Од 14.30 часот, следува натпреварот помеѓу екипите на МЗТ Скопје Аеродром и Гостивар. Од 17.часот, на распоредот е мечот Работнички – Феникс 2010, а од 19.30 часот, за место во полуфиналето ќе разигруваат екипите на Еуро Никел 2005 и Навико Академија ФМП.
Наредниот ден, 19. февруари (сабота), се двата полуфинални натпревари во женска, а потоа и во машка конкуренција.Од 12. часот, на теренот во салата СРЦ „Кале“ ќе истрчаат екипите на Бадел 1862 и Струга 2009, потоа од 14.30 часот, ќе се игра натпреварот помеѓу бранителот на трофејот, екипата на Баскет Кам 2011 и Вардар. Првото машко полуфинале е закажано за 17.часот, а нешто подоцна, од 19.30 часот, ќе се игра и вториот полуфинален меч.
Неделата е резервирана за двата финални натпревари. Од 17 часот ќе играат двете најдобри екипи во женска, а од 19.30 часот, и во машка конкуренција.
Во соработка со Македонската радио и телевизија, предвидени се директни преноси од натпреварите од завршниот турнир од Купот „Благоја Георгиевски-Буштур“.
МАЖИ – ДВОЈКИ-ЧЕТВРТФИНАЛЕ
18. ФЕВРУАРИ (ПЕТОК)
12.00: Пелистер – ТФТ (1)
14.30: МЗТ Скопје Аеродром – Гостивар (2)
17.00: Работнички – Феникс 2010 (3)
19.30: Еуро Никел 2005 – Навико Академија ФМП (4)
19. ФЕВРУАРИ (САБОТА)
ПОЛУФИНАЛЕ – ЖЕНИ
12.00: Бадел 1862 – Струга 2009
14.30: Баскет Кам 2011 – Вардар
ПОЛУФИНАЛЕ – МАЖИ
17.00: Победник 1 – Победник 4
19.30: Победник 2 – Победник 3
20. ФЕВРУАРИ (НЕДЕЛА)
17.00: ФИНАЛЕ – ЖЕНИ
19.30: ФИНАЛЕ – МАЖИ
