Кошаркарите на Работнички стигнаа до уште една победа. Во забрзаниот ритам на одигрување на натпреварите, „црвено-белите“ стигнаа да му се реваншираат на составот на Академија ФМП за поразот во првиот дел од натпреварувањето во Првата лига.
РАБОТНИЧКИ – АКАДЕМИЈА ФМП 68:66
Работнички имаше подобар почеток. Поведоа „црвено-белите“ со (14:3), но не помина многу време и Академија ФМП со своја серија (13-2), стигна до нерешен резултат (16:16). Така беше и на истекот на првата четвртина, без предност за една од екипите (18:18).
Доста изедначено се играше и во втората четвртина. Во 15.минута беше (25:25). И дури во последните две минути од првото полувреме, Работнички направи каква-таква предност. Имаше четири поени „вишок“ домашниот тим (35:31). Но Крстајиќ, интересно, со своите први поени во полувремето, се погрижи да не биде ништо преку тоа, погоди за (33:35).
Бундовиќ со 14 поени за Работнички, и Херис со еден помалку кај Академија ФМП поентерски го одбележија првиот дел од играта во СРЦ „Кале“.
Третиот период го одбележа многу подобрата игра на гостинската екипа. Академија ФМП оствари направи резултатски пресврт, и негативата од три поени на полувремето, ја претвори во позитива од четири поени (56:52).
Како најава за возбудлива последна четвртина.
Со мини серија од (7-2) Работнички ја врати предноста на своја страна (59:58), но имаше да се игра доста, повеќе од седум минути до крајот.
А во нив, тешко се постигнуваа поени, на двете страни…
Разврската почна некаде на минута и половина до крајот, кога Ефремовски погоди тројка, за ново водство на Работнички, (66:64). По двата неуспешни обиди за три поени, а Атанасов и на Л.Стојановски, Бундовиќ беше половичен од линијата за слободни фрлања (67:64).
Новата шанса со тројка да го однесе мечот во продолжение, не ја искористи најдобриот стрелец на Академија ФМП, Крстајиќ. Делумно казни Ефремовски, со уште еден поен за (68:64). Доволно за потврда на 8.победа во 13.одиграни мечеви на Работнички.
За Академија ФМП ова беше 21. меч во сезоната по кој се на ефект од 10. победи и 11. порази.
КОЖУВ – ЦРН ДРИМ ГРИН МОБИЛЕ 97:73
По нецели седум минути Кожув поведе со двоцифрена предност од (21:11). Слично беше и на истекот на првата четвртина (32:23).
Иако во ослабен состав, стружани не се предадоа. Во вториот период од играта, со помош на Клуисен и Жоао-Марсело не дозволија поголема предност за Кожув. До истекот на полувремето беа на минус од 7.поени (44:51), а странскиот двоец на Црн Дрим комплетираше 24.поени (по 12).
Кај домаќините, одлични деби-минути за Чампара, кој за едно полувреме даде 15.поени, Симоновски имаше 14, а Пајиќ уште 11. поени.
Можеби домашните кошаркари попуштија во нападот, но во продолжението од мечот беа доволно добри во одбраната. На струќини имд зволија да реализираат само 12.поени во третата четвртина. Изградија уште победлива предност (70:56). Гаранција за победа, за нив деветта во 20. одиграни натпревари во сезоната, која им ги остава теоретските шанси да дојдат до осмата позиција, последнта која води во доигруавњето.
Стружани останаа заковани на последното место, сега со ефект (1-18).
ПРВА ЛИГА-МАЖИ
РЕЗУЛТАТИ И ДВОЈКИ 22.КОЛО
ТФТ – Еуро Никел 2005 67:83
МЗТ Скопје Уни Банка – Гостивар 77:72
Работнички – Академија ФМП 68:66
Кожув – Црн Дрим Грин мобиле 97:73
ОДЛОЖЕНИ НАТПРЕВАРИ
Вардар – Куманово 2009
МЗТ Скопје Аеродром – Пелистер
ТАБЕЛА
# | ТИМ | ОН | ПОБ | ПОР | КД | КП | КР | БОД |
|---|---|---|---|---|---|---|---|---|
| 1 | ПЕЛИСТЕР АД | 19 | 15 | 4 | 1920 | 1551 | 369 | 34 |
| 2 | ЕУРО НИКЕЛ 2005 АД | 19 | 13 | 6 | 1689 | 1586 | 103 | 32 |
| 3 | АКАДЕМИЈА ФМП | 21 | 10 | 11 | 1643 | 1700 | -57 | 31 |
| 4 | ТФТ СКОПЈЕ | 17 | 12 | 5 | 1448 | 1353 | 95 | 29 |
| 5 | ГОСТИВАР АД | 19 | 10 | 9 | 1640 | 1617 | 23 | 29 |
| 6 | КОЖУВ АД | 19 | 8 | 11 | 1523 | 1554 | -31 | 27 |
| 7 | КУМАНОВО 2009 АД | 15 | 10 | 5 | 1239 | 1206 | 33 | 25 |
| 8 | МЗТ СКОПЈЕ УНИ БАНКА | 19 | 6 | 13 | 1453 | 1588 | -135 | 25 |
| 9 | ВАРДАР | 19 | 4 | 15 | 1494 | 1735 | -241 | 23 |
| 10 | РАБОТНИЧКИ АД | 13 | 8 | 5 | 1069 | 1071 | -2 | 21 |
| 11 | МЗТ СКОПЈЕ АЕРОДРОМ АД | 12 | 8 | 4 | 1066 | 918 | 148 | 20 |
| 12 | ЦРН ДРИМ ГРИН МОБИЛЕ | 18 | 1 | 17 | 1314 | 1619 | -305 | 19 |



