За првпат во историјата, во скопската Општина Аеродром, се одржува улична атлетска трка ЗЕГИН СПЕКТРАТОН!
Голем атлетски настан низ главните булевари на Општина Аеродром е закажан за 09 Јуни. Под директно покровителство на веќе докажаната општествено одговорна компанија Зегин, а под искусната палка како технички организатор се јавува атлетскиот клуб ‘КИРАЏИЕВ ТРЕНИНГ СИСТЕМ – Скопје’, не очекува вистински спектакл по отворено улици.
Предвидени се вкупно 6 атлетски трки: Главна трка на 10км;Трка на 5км;Штафетна трка 2х5кмИ детски трки150м, 300м и 500м.
Предвидена е одлична програма во паркот Јане Сандански, која ќе биде главна точка на настанот, во чија непосредна близина ќе биде и стартно/целната рамнина. Трчање, музика, забава за сите категории е дел од активностите кои се најавуваат.
Овој настан е од хуманитарен аспект и средствата собрани од настанот ќе бидат целосно донирани за Здружението “Во мојот свет” , со цел побрзо да се изгради првиот дневен центар во регионот за адолесценти и млади со аутистичен спектар и атипичен развој.
