Во рамките на 34. коло од англискиот Чемпионшип, Милвол успеа да го добие Престон со резултат од 2-1.
Имено, „Лавовите“ од Лондон победија над првиот шампион на Англија после целосен пресврт, овозможен од двата претходни играчи на Дерби Каунти.
Најпрво, Престон поведе во 12. минута преку засилувањето од Флидвуд, Чед Еванс, кој погоди на втор натпревар во низа.
Во продолжение, левиот бек, Скот Малоун, успеа да израмни на 1-1 во 39. минута, а на три минути до крајот, подобрата игра на домаќините ја круниса Мејсон Бенет, кој се запиша во листата на стрелците по четврти пат во овој шампионат, назначувајќи ја својата најефикасна сениорска сезона во кариерата.
Со новите три поени, Милвол изби на десеттото место, оставајќи го денешниот ривал на тринаесеттата позиција. Патем, двете екипи имаат натпревар повеќе во однос на некои од најблиските конкуренти.
📸 Julian Finney/Getty Images
