Пол Погба е реален и вели дека Манчестер Јунајтед сè уште не го достигнал нивото на Ливерпул, но францускиот ас сепак е оптимист дека неговиот тим може да ја освои шампионската круна во Англија.
Моментно ,,Црвените ѓаволи” се лидери во англиското првенство со 36 бода, три повеќе од Ливерпул и по четири од Манчестер Сити, Лестер и Евертон, но нивниот градски ривал има одиграно меч помалку.
Манчестер Јунајтед има 20 титули, една повеќе од Ливерпул, а Погба верува дека на крајот од сезоната разликата ќе биде плус два за ,,Црвените ѓаволи”. Дербито на 19-тото коло во Премиер лигата ќе се игра во недела од 17.30 часот, а Манчестер Јунајтед ќе му биде гостин на Ливерпул на „Енфилд Роуд“.
