Денес започнува првото Европско првенство во фудбал (EУРО 2020) кое ќе се одржува во повеќе градови и земји во Европа, за разлика од минатите првенства кога натпреварите се играле во една или две држави. Првенството требаше да се одржи минатото лето, но беше одложено поради пандемијата.
Првиот натпревар од ова првенство е закажан помеѓу Турција и Италија вечер од 21 часот на стадионот во Рим.
На првенството на кое за првпат во својата историја ќе учествува и нашата Македонија ќе се натпреваруваат вкупно 24 фудбалски репрезентации кои се поделени во шест групи:
Група А: Италија, Швајцарија, Турција и Велс Група Б: Белгија, Данска, Финска и Русија Група Ц: Австрија, Холандија, Македонија и Украина Група Д: Хрватска, Чешка, Англија и Шкотска Група Е: Полска, Словачка, Шведска и Шпанија Група Ф: Франција, Германија, Унгарија и Португалија.
Градовите во кои ќе се играат натпреварите се: Рим и Баку (Група А), Санкт Петербург и Копенхаген (Група Б), Амстердам и Букурешт (Група Ц), Лондон и Глазгов (Група Д), Севилја и Санкт Петербург (Група Е) и Минхен и Будимпешта (Група Ф).
Четвртфиналните натпревари ќе се играат во Баку, Минхен, Рим и Санкт Петербург, додека мечевите од полуфиналето и големото финале кое е закажано на 12 јули од 21.00 часот ќе се играат на стадионот „Вембли“ во Лондон.
