Влада Новевски е нов талент кој и сврти грб на Македонија и ќе игра под друго знаме. Новевски кој е роден 2002 година реши дека во иднина нема да го носи дресот на Македонија, туку ќе биде репрезентативец на Србија.
Новевски е роден во Нови Сад и го носи дресот на Војводина, но има потекло од Македонија. Освен тоа до сега беше член на Македонија до У-16, У-17, У-18 и У-19. Фудбалерот игра на позиција десно крило, а причина за одлуката да го смени националниот дрес е тоа што во Србија има поголеми шанси за развој.
Новевски е еден од низата на млади и талентирани фудбалери кои како тинејџери го носеле дресот на Македонија, а потоа се решаваат да „избегаат“ и да заиграат за друга репрезентација.
Најпознат таков пример од блиското минато е Дејан Кулушевски. Ѕвездата на Јувентус кој сега е рамо до рамо со Кристијано Роналдо, беше дел од македонската младинска репрезентација, но потоа реши да игра за Шведска.
