Тренерот на Јувентус, Андреа Пирло, процени дека Роналдо треба да биде поштеден и дека водството од 2:1 на куп дуелот против Интер на гости е сосема доволно за ,,Старата дама”. Кога виде дека треба да го напушти теренот, Роналдо се налути и со гестикулации покажа дека не се согласува со одлуката на тренерот.
На сето ова Андреа Пирло даде експресен одговор кое е неговото размислување:
,,Кристијано знае дека е наш фундаментален играч, но мора да има период во кој ќе треба да одмори малку. Му реков дека следниот викенд играме важен меч и мора да биде одморен за тогаш, па затоа и го извадив од игра. Пирло додаде дека тој сам одлучува и дека нема никаков проблем ако Роналдо не го доигра целиот натпревар. „Впрочем, во договорот на Роналдо не постои клаузула во која се вели дека тој мора цел натпревар да игра“- појасни Андреа Пирло.
