Еурофарм Пелистер денеска гостуваат кај составот на Магдебург на реванш дуел од осминафиналето од Лигата на Европа со почеток од 18:45 часот. Иако имаат големо заостанувње од првиот дуел од осум гола и немаат што да загубат, и на овој меч ќе се обидат да се претстават во најдобро светло. Босанското дуо Периќ и Граџан со свои изјави во пресрет на мечот.
Јосип Периќ: Очигледно е дека падот на формата дојде во најлошо можно време. Треба да се собереме и да одиграме најдобро што можеме против Магдебург во Германија. Мораме тој натпревар да го искористиме за да извлечеме поуки и да смениме што не функционираше во нашата игра и да се вратиме на прав пат, бидејќи ни следат уште многу важни натпревари во краток период.
Елмир Граџан: Магдебург е екипа за која не треба да се трошат зборови. Покажаа дека се една многу квалитетна екипа. И ние сезонава покажавме дека можеме секому да парираме. На последните два натпревари малку паднавме, но верувам дека во Магдебург ќе го покажеме вистинското лице. Без разлика на заостанувањето од Битола, нема да се предадеме. Се подготвуваме и сигурно ќе бидеме незгоден противник за нив
