Капитенот на македонската фудбалска репрезентација, Горан Пандев на гостувањето во студио 10 на Тв24 без никаков пардон распали по Фудбалската Федерација на Македонија (ФФМ) и директно кажа претседателот Муамед Сејдини и неговите соработници да си заминат од федерацијата и да ги наследат луѓе кои што се компетентни за таа работа.
Пандев во меѓудругото нагласи дека македонската лига е една од најаматерските првенства, каде што однапред се знае победникот, патниците во Европа и екипите што ќе отпаднат од лигата, а тој во својот клуб Академија Пандев вложува 600.000 евра, а десет дена пред натпревар се зне кој судија им е делегиран и појасни дека само сопственикот на Шкендија вложува огромни средства и со право е најдобар моментално клуб во Македонија.
Пандев нагласи дека нема амбиции да биде претседател во овој момент на ФФМ, но е спремен на било каков начин да помогне. Во сите првенства претседател избираат делегаги од секој еден клуб, односно од прва, втора и трета лига, а само во Македонија нема делегати и преставници од клубовите на собранието на ФФМ, туку аматери кои немаат допирна точка со фудбалот. Треба да се усогласи Статутот на ФФМ со законот за Спорт и мнозинството кои што ќе решаваат ќе бидат токму од клубовите.
