Ракометарите на Охрид се многу блиску до остварување на првата голема цел оваа сезона – пласман меѓу европските екипи што ќе презимат во натпреварувањето. Во рамки на ЕХФ Купот тимот на Охрид ја запиша најубедливата победа досега, совладувајќи го босанскиот состав Слога Добој со високи 37-19, а на полувреме водеа со 16-8.
Домашниот тим доминираше во сите сегменти од играта, покажувајќи цврста одбрана и фуриозен напад. Петрич и Ѓукиќ беа најпрецизни со по 8 погодоци, давајќи значителен придонес кон триумфот.




