Македонскиот ракометар Горан Крстевски кој сезонава пружа одлични партии во романскиот клуб Фочани останува и наредната сезона откако потпиша нов договор со важност една плус една година. Иако имаше интерес од повеќе клубови од странство и Македонија, Крстевски и Фочани решија да ја продолжат одличната соработка.
Горан Крстевски кој е по потекло од Ресен, во кариерата има настапувано за македонските тимови Металург Јуниор, Металург и Еурофарм Работник и австриски Линц пред да се пресели во Романија.
