Повремениот македонски репрезентативец Благојче Трајковски ја напушта Битола и екипата на Еурофарм Пелистер 2 и од наредната сезона ќе го брани голот на новиот суперлигаш Алкалоид.
Трајковски имаше одлични настапи оваа сезона во вториот битолски тим, а особено ќе се памети неговото спектакуларно издание во победата против шампионот Вардар. Се очекува со неговото искуство и квалитет да биде големо засилување за тимот на Алкалоид.
