Во синоќешното финале на средноевропската одбојкарска лига, МЕВЗА, тимот на АЦХ Љубљана ја освои рекордната дванаесетта титула.
Претставниците на Словенија, во најважниот меч славеа над ХАОК Младост од Загреб со вкупни 3-1.
По сетови, резултатот гласеше 25-14, 20-25, 25-22 и 25-14, доволно за одбрана на тронот од минатата сезона.
Кај победничкиот состав, најефикасен беше македонскиот капитен Никола Ѓоргиев со 23 поени, а уште по 11 додадоа Јан Покершник и Немања Масуловиќ.
Од редовите на вицешампионот, Борис Буса и Иван Жељковиќ беа најрасположени во нападот со 14, односно со 11 поени.
Во битката за бронза, домаќинот на Ф4 турнирот, Аих/Доб, го порази ОК Марибор со 3-0.
