Вечерва пред преполни трибини во СЦ „Борис Трајковски“ се одржа ракометен спектакл, дуел меѓу актуелната репрезентација на Македонија и тимот на македонските ракометни ветерани, помладите го добија мечот со 25-21. Мечот имаше хуманитарен карактер, а целата заработка од продадените влезници ќе биде донирана за СОС Детското село.
Пред почетокот на натпреварот ветераните добија овации од публиката, и на сите им беше доделен дрес во рамка со своето презиме. Натпреварот кој се играше 2×20 минути беше атрактивен, а најубавиот гол го даде Ванчо Димовски кој беше прогласен и за МВП најдобар играч на натпреварот.
