Тотенхем на Жозе Мурињо продолжи со одличните настапи во Премиер лигата и со победа од 2:0 над Манчестер Сити го заслужи врвот на табелата. Дечките на Жозе одиграа мудро и искористија максимум од минималниот број шанси кои ги имаше на денешниот натпревар. Манчестер Сити доминираше во нападот, имаше 20 обиди кон противничкиот гол, но ниту еднаш не најде начин како да го матира Хуго Лори.
Лондончаните поведоа многу рано. Сон погоди уште во 5. минута за водство од 1:0, по што Сити успеа да погоди за израмнување, но голот на Лапорт беше поништен поради игра со рака.
Во вториот дел додека гостите вршеа пресинг, Спарси најдоја начин да го дуплираат водството. Ло Селсо по асистенција на Хари Кејн погоди во 65. минута за 2:0 и со тоа како да го трасираше патот до шестата победа за позиционирање на врвот на табелата, барем пред одигрувањето на останатите дуели од ова 9. коло.



