Трентино и Монца одиграа неверојатен дуел што дефинитивно го оправда епитетот ,,дерби на колото” во италијанската одбојкарска Серија А.
Во пресрет на средбата, Трентино имаше серија од осум, а Монца од седум врзани победи во лигата.
Денес беше прекината серијата на Монца, откако доживеа пораз во пет сетови.
Имено Трентино славеше со 3-2, или по сетови 25-16, 20-25, 25-17, 20-25 и 15-13.
Најефикасен одбојкар на теренот беше Нимир Абдел-Азиз (Трентино) со 25 поени, од кои 4 асови и 4 блокови. Од неговиот тим, Рикардо Лукарели додаде уште 21 поен.
Кај Монца, Донован Џаворонок беше најпрецизен напаѓач со дури 18 постигнати поени. Втор поентер од гостинскиот состав беше Улаѕислау Давискиба (15).
Со новиот триумф, составот на Анџело Лоренцети остана на третото место, додека Монца е петта и ќе се бори со Пијаченца за да го задржи високиот пласман.
📸 Trentino Volley
