На патеката ,,Ерта” во Кронплатц (Италија), на седмиот овосезонски велеслалом, Микаела Шифрин (2:00,61) триумфираше и влезе во скијачката историја.
За Американката, ова беше 83. победа во кариерата со која стана најуспешна скијачка во историјата на Светскиот куп, претекнувајќи ја својата сонародничка – Линдзи Вон.
За да стигне до првото место во апсолутна категорија, Шифрин треба да победи уште најмалку трипати за да се израмни со единствениот подобар натпреварувач од неа – Ингемар Стенмарк (86).
На денешната втора позиција се искачи Лара Гут-Бехрами (+0,45), а радост на домашната публика и’ донесе Федерика Брињоне (+1,43).
Во продолжение, под две секунди заостануваа само уште Петра Влхова (+1,65) и Теса Ворли (+1,89).
