Седмиот овосезонски слалом од Светскиот куп во алпско скијање во машка конкуренција беше одржан денес, по вечерните услови, во австриското гратче – Шладминг.
По вторпат во сезоната, а воедно и во истата дисциплина, до победата дојде домашниот скијач Марко Шварц (1:44,04).
Австриецот се најде на врвот после шестото место по првата серија, а во сето тоа му помогнаа неколку скијачи, помеѓу кои и Мануел Фелер – првопласираниот после првото скијање, кој накрај не ја заврши трката.
Сосема неочекувано, Франција ги зазеде двете останати позиции на подиумот преку Клеман Ноел (+0,68) и Алексис Пантуро (+0,82). Пантуро ја имаше најбрзата втора серија (52,64) што му помогна да напредне за осум позиции.
На четвртото место се пласира победникот на вториот слалом во Флахау, Себастијан Фос-Солевааг (+1,09), а петтата позиција му припадна на Рамон Ценхојзерн (+1,10).
До неверојатен пласман дојде Бугаринот Алберт Попов (+1,54), кој беше шести, а во продолжение следуваа Александер Хорошилов (+1,57), Манфред Мелг (+1,58), Лоик Мејар (+1,67) и Адријан Пертл (+1,78).
📸 Getty Images