Македонската женска тениска репрезентација не успоеа да ги направи последниот чекор откако денеска загуби од Португалија со 2:1 на Били Џин Кинг Купот кој се одржува во Скопје.
Финалната серија од Групата III од Евро-африканската зона почна од 10 часот на теренот „Југ“ кога Матилде Жорже со 2:0, или 7:6 и 6:3 по сетови, ја совлада Магдалена Стоилковска.
Потоа Лина Ѓорческа се погрижи Македонија да израмни на 1:1 во партии откако со убедлива победа од двапати по 6:1 ја совлада Франсиска Жорже.
Одлучавачки беше натпреварот во двојки кој заврши неколку минути по 16 часот, а во кој се сретнаа истите тенисерки. Португалките го добија првиот сет со 6:4, а потоа Македонките со истиот резултат израмнија на 1:1. Во третиот сет повторно идентични 6:4, но нажалост за гостите од Португалија.
Португалија како победник на оваа група се пласираше еден ранг повисоко, во Групата II, додека Македонија остануваа во оваа Група III.
Инаку, Ѓорческа е рангирана 293 на ВТА ранг-листата, додека Стоилковска е 1357. Кај Португалките, Франсиска е на 377. место, додека Матилде е 674.
