„Три од три“ има македонската јуниорска репрезентација на Европското првенство од Дивизијата „Б“ во Скопје, победа над Чешка (94:86).
Со уште една, пред се, одлична офанзивна претсвата, македонските надежи прескокнаа уште една висока пречка на патот во четвртфиналната фаза.
Во СРЦ „Кале“ бевме подобри и од репрезентацијата на Чешка, па во преостанатоите два натпревари во групата „Ц“, со уште еден триумф, многу извесно и ќе „влеземе“ во првата „осумка“ на шампионатот, која ќе се бори за места кои водат во „А“ Дивизијата.
ЧЕШКА – МАКЕДОНИЈА 86:94
Статистиката вели дека Јаничиќ го оддржа својот поентерски просeк, запиша 25.поени, додаде и пет скока и пет асистенции. Втора вечер по ред блескаше и Стојковиќ, кој даде 20.поени, Луканоски „одработи“ цврсто во рекетот, но комплетираше 16.поени и 9.скока, Ќирилоски стандардно добар, сега ос дабл-дабл ефект од 14. поени и 10.скока.
Наредниот натпревар за нашата селекција „под 18“ години е закажан за 30.јули (вторник), во исто време, 18.30.часот, на истото место, СРЦ „Кале“ со селекцијата на Кипар како противник на другата страна на игралиштето.




