Светското првенство во алпско скијање во женска конкуренција заврши денес со трката во слалом.
На неа, уште во првата серија, две фаворитки останаа без пласман – Мишел Жизен и Федерика Брињоне.
Накрај, првопласираната после првата серија, Катарина Линсбергер (1:39,50), дојде до второто светско злато во кариерата, односно прво во слалом и стана само шестата различна победничка на една слаломска трка во последните три години.
Второто место го зазеде Словачката Петра Влхова (+1,00), која го освои второто сребро на тековното СП, а бронзата заврши во рацете на Микаела Шифрин (+1,98).
Четвртата позиција ја освои Венди Холденер (+2,34), додека Андреја Слокар (+2,67) беше петта.
За Словенката, ова беше само 12. индивидуална трка во најквалитетната конкуренција, на која дојде до својот најдобар пласман.
Во продолжение, во првите десет се пласираа уште: Кјара Маир (+2,75), Кристин Лисдал (+2,94), Камила Раст (+3,09), Ана Буцик (+3,39) и Аса Андо (+3,42).
📸 Jurij Kodrun/Getty Images
