После само седум освоени поени од првите шест средби, Беневенто му врачи отказ на тренерот Фабио Казерта.
На клупата на составот од Кампанија, како негов заменик, ќе дојде легендарниот Италијанец – Фабио Канаваро.
Како тренер, Канаваро предводеше екипи од Азија, односно Ал-Али (асистент), Гуангжу Евергранде (во два наврати), Ал-Наср и Тианџин Куанџијан, а во 2019 беше и селектор на кинеската репрезентација.
Во играчката кариера, дефанзивецот двапати го облече дресот на Јувентус, а по еден мандат имаше во: Наполи, Парма, Интер, Реал Мадрид и Ал-Али.
Во своите витрини, Канаваро има многубројни признанија помеѓу кои и Златната топка од 2006 за најдобар играч во светот.
Како тренер на Беневенто, Италијанецот ќе има прилика да му го овозможи сениорското деби на својот син, Кристијан Канаваро, кој е дел од У19 составот на овој тим.
