Македонската ракометна репрезентација вечерва од 19. часот во Скопје значително подмладена ќе го одигра претстојниот квалификациски двомеч против Португалија. Филип Кузмановски кој важи за еден од најискусните кај нас заедно со голманот Митревски би требало да биде лидер на нашиот тим.
„Точно е дека заедно со Митревски сме од поискусните, но тука има играчи кои се со нас долго време, добро се познаваме. Сите знаеме која е нашата цел со Португалија, играме на домашен терен. Не треба да се зборува за Португалците, имаат многу добар тим. Сигурен сум дека во Скопје ќе дојдат мотивирани, знаат што ги очекува. Нам ни е потребна максимална поддршка од трибините. Имаме два натпревари со нив, да дадеме се од себе, се е можно. Кажавме дека со Португалија ќе се бориме за првото место во групата. Играме со против големи селекции, со играчи кои играат во Топ-лигите во Европа, како во Бундес-лигата, така и во Лигата на шампиони, сите се носители“, изјави Кузмановски.