Шефилд Јунајтед е со ,,една нога” во плејофот на Чемпионшип, откако во претпоследното коло го совлада КПР со 1-3.
Во првото полувреме, домаќините покажаа подобра игра и поведоа со 1-0 преку Чарли Остин (31′) после половина час игра.
Сепак, во вториот дел, ,,Сечилата” направија целосна опсада кон голот на дваесетгодишниот дебитант пред домашната публика, Марфи Махоуни и заслужено дојдоа до трите бода.
Најпрво, на 1-1 израмни Илиман Ндиаје (55′), потоа пресвртот го комплетираше Џек Робинсон (74′), а триумфот го завери Конор Хурихејн (90+4′) со својот прв гол за Јунајтед после само една минута откако влезе во игра.
На табелата, Шефилд Јунајтед го задржа шестото место, а КПР падна на единаесеттата позиција и ги загуби шансите за доигрување.
