Еурофарм Пелистер 2 ги почна тренинзите за новата сезона, засилен со имињата на Милан Ѓукиќ, Благојче Трајкоски и Цветан Кузманоски, Андре Буторац и Мартин Табаковски. Тренерот Јовиќ вети уште повеќе работа и ентузијазам од минатата сезона, а најави и дека младите пелистерци ќе играат со една од најмладите надворешни линии во лигата.
„Со самото учество на Еурофарм Пелистер и Вардар уште од самиот старт на шампионатот мислам дека ова сезона Суперлигата ќе биде доста поквалитетна од претходните. Има многу екипи кои ќе атакуваат на првите шест места кои водат во плеј-офот, па затоа би било неблагодарно да прогнозираме како ќе се одвива сезоната. Сезонава ќе имаме една од најмладите бековски линии во првенството и сè зависи од тоа како ќе се воиграме. Младите ќе имаат максимална поддршка и минутажа, па ќе видеме како тие ќе одговорат на овој предизвик. Ако ни се пружи шанса за плеј-оф, секако дека ќе ја искористиме, а ако не, сигурно дека заслужуваме и по играчки кадар и по клупска организација да го задржиме суперлигашкиот статус“, заврши Јовиќ.
Во првото коло на новиот шампионат, Еурофарм Пелистер ќе се сретне со градскиот ривал Еурофарм Пелистер.
