Атлетико Мадрид објави дека Диего Коста е слободен играч по взаемниот договор што е постигнат денеска и по кој поранешниот шпански репрезентативец може да си бара нов клуб веќе во јануари. Инаку договорот му важеше до јуни 2021 година.
Коста во три наврати беше член на популарните ,,Јорганџии”, а првата авантура му беше од 2007 до 2009, кога не одигра ниту еден меч и дури трипати беше позајмуван во други клубови.
Втората шанса ја искористи и одигра над 100 меча за Атлетико Мадрид во периодот од 2010 до 2014 година, што му донесе и статус на репрезентативец на Шпанија и трансфер во Челзи.