ЖФК СЦ Истатов подготовките за пролетниот дел од првенството на Прва ЖФЛ ќе ги започне во Сабота на 16.01 2021 година во 13 часот. На прозивката ќе се појават сите фудбалерки кои го завршија есенскиот дел, освен голманката Магдалена Лекоска која премина во тимот на ЖФК Љуботен од Тетово, а нејзиното место ќе го заземе новото голманско засилување, младата и талентирана Марија Ничевска.
Раководството на клубот активно работи на полето на нови засилувања и се очекуваат уште 2-3 нови фудбалерки кои ќе ја зголемат конкуренцијата и засилат тимот. Досега се договорени 3 пријателски натпревари и тоа на 07.02 со ЖФК Шкендија во Тетово, на 14.02 со ЖФК Скопје 2014 во Скопје и генералката е на 21.02 против ЖФК Речица во Речица.
