Мадервел и Хамилтон се две екипи од шкотскиот Премиершип, кои се меѓусебни ривали. Нивното ривалство е наречено ,,Ланаркшир дерби” поради географската местоположба.
Првиот нивен натпревар датира од 22 септември 1888, а досега имаат одиграно вкупно 153. Мадервел има 75, Хамилтон – 44 победи, а 34 меча завршиле без победник.
Станува збор за модерно ривалство, кое ескалира во последните неколку децении, иако порано, овие два противници, најчесто се среќавале во финалето на Ланаркшир Куп. Нивните натпревари често знаеле да завршат со тензија на теренот, но и помеѓу навивачите, до тој степен што морале да интервенираат полицијата и болничарите.
На денешниот 154. дуел, Хамилтон ја оствари 45. победа, откако славеше со 3-0.
Стрелци на головите беа Ли Ходсон (10′), Рајан Калахан (49′) и Калум Смит (65′). За Смит, ова беше дебитантскиот погодок во дресот на Хамилтон.
Со денешниот триумф, ,,црвено-белите” го претекнаа Мадервел на табелата и се пласираа на 10., односно на 11. позиција.
