Хадерсфилд го надигра составот на Хал Сити по четврт пат во низа, откако во увертирата на четириесеттото коло од Чемпионшип славеше со минимални 0-1.
Во првото полувреме, Хал беше конкурентен тим, но остана со играч помалку во втората минута од продолжението, кога Том Ивс доби втор жолт картон.
Сепак, играчкиот дефицит јасно дојде до израз во вториот дел, кој целосно им припадна на гостите со биланс на шутеви од 2-18.
Победничкиот гол за ,,Териерите” го постигна Хари Тофоло во 79. минута, кој се запиша во листата на стрелците за првпат сезонава.
На табелата, со натпревар повеќе во однос на конкурентите, Хадерсфилд го зазема третото, а Хал – дваесеттото место.
