Во петок (2 септември) со почеток од 20.30 часот Еурофарм Пелистер против унгарскиот Веспрем ќе го игра полуфиналниот натпревар во СЕХА лигата на Фајнал-фор турнирот во Задар, Хрватска.
„Ги почнав подготовките со Еурофарм Пелистер и продолжив со нив. Напорно трениравме во Маврово, турнирот во Струга го минавме одлично и така продолживме. Добив минутажа против Мешков Брест и одиграв максимално колку што можам. Ја остваривме целта и сега сме пред првиот историски настап на Ф4 во СЕХА лигата во Задар. Се гледа дека во тимот има повеќе хармонија, дружељубивост и борбеност. Веспрем е великан, бранител на СЕХА-титулата. Ќе дадеме максимум и ќе се бориме да го добиеме тој натпревар“, изјави еден од најмладите во тимот Емилијан Ѓорговски.
