Осумгодишниот генијалец Македон Димитровски од Тетово освои уште еден златен медал. Тој со медалот се закити на натпреварот по математика во меѓународна конкуренција „Кенгур“ кој се одржа на Машинскиот факултет во Скопје.
„Македон го доби златниот медал од финалето по математичкиот натпревар „Кенгур 2023“ одржано на Машинскиот факултет во Скопје. Браво, ти си наша гордост“, напиша таткото на Македон, Владимир Димитровски.
