Во рамките на 11 коло од Првата кошаркарска лига во Македонија во Битола домашниот тим на КК Пелистер славеше над шампионот МЗТ Скопје Аеродром со резултат од 88:85.
Најдобар поентер на натпреварот беше центарот на МЗТ, Олуџоби со 36 постигнати коша, а во победничкиот табор ги предводеше Кесар со 27 и неговиот соиграч Малешевиќ со 22 поени.
Пелистер остана на врвот со перфектни „осум од осум“, а МЗТ со вчерашниот пораз стигна до половичен скор од три победи и исто толку неуспеси. Битолските фанови пред салата во Битола ги пречекаа кошаркарите да им честитаат за победата.