По десет некомплетни кола, екипата на Пелистер е единствената екипа со максимален ефект, а во дербито битолчани беа подобри од Работнички среде Скопје во салата ,,СРЦ Кале” со резултат од 105:81.
Екипата на Пелистер е најдобрата во Македонија во овој прв дел од сезоната со половина од бројот на одиграните мечеви во десет одиграни кола. Го докажаа тоа момците кои од клупата ги предводи тренерот Марјан Илиевски таму каде што треба на теренот во Скопје против најтрофејниот македонски кошаркарски колектив и единствениот тим покрај битолчани кои беа без пораз.
Дерби натпревар во кој издоминира Трајковски со 26.поени, а двоцифрен број на поени во екипата-победник имаа и другите од првата петорка. Од нив Малешевиќ даде 20, Кесар имаше 12, а Калахан уште 10 поени.
Со „ефектот плус“, на Вилијамс од 16.поени и премногу за противникот во чии редови Балмазовиќ дотурка до 32.поени, Питс и Вашингтон имаа уште по 14 кај Работнички кој го запиша првиот неуспех во пет одиграни натпревари.
Фото: КК Пелистер АД Битола
