Младата и перспективна голманка и довчерашна членка на ЖФК Љуботен од Тетово, Кристина Павлоска е нов чувар на мрежата на ЖФК Топ Гол од Битола. Павлоска одлично ќе се вклопи во овој тим бидејќи целиот ростер е составен од млади и талентирани фудбалерки исто како и неа.
Освен тоа со овој трансфер се потполнија три голмански позиции во Првата ЖФЛ, односно од ЖФК Истатов, Магдалена Лекоска направи трансфер во ЖФК Љуботен, нејзиното место во истатовки го засили Марија Ничевска од Топ Гол, а сега од тетовчанки директно во Битола Павлоска која што во меѓудругото е репрезентативка во младите категории е решение за таа голманска позиција.
Од ЖФК Топ Гол се задоволни од нивниот избор и договорот со Кристина Павлоска, бидејќи го решаваат ова дефицитарно место во тимот, а во иднина со заеднички сили ќе се насочат кон нов успех.
