Две суперталентирани фудбалерки, Симона Парапанска и Марија Настеска до крајот на сезоната од тимот на ЖФК Деспина од Прилеп ќе бидат отстапени на позајмица во ЖФК Атлетико од Битола.
Поради големата конкуренција во тимот младите фудбалерки, немаа можност да добијат минутажа, а за нив во овој период за да добијат на искуство ќе бидат отстапени во Атлетико, тим кој работи исклучиво со млади таленти и воедно му нуди можност за напредок во кариерата. Тренерот на битолчанки, Никола Гелевски сигурно ќе најде простор и време да им овозможи поминати минути на прволигашките натпревари во продолжението на Прва ЖФЛ.
