РК Еурофарм Пелистер ги финализира подготовките за новата сезона, во која ќе се натпреварува во домашниот шампионат, Куп и Суперкуп, во регионалната СЕХА лига и во Лигата на шампионите на ЕХФ. Овој викенд нашиот клуб е почестен со поканата за учество на „Турнирот на пријателството“ во Сакарија, Турција.Еурофарм Пелистер е една од четирите екипи учесници, а останатите три се Веспрем (Унгарија), Војводина (Србија) и Мешков Брест (Белорусија). Турнирот ќе се игра на први и втори септември, по принципот полуфинале и финале.- стои во објавата на клубот.
Полуфиналните натпревари се на програмата в петок, а се среќаваат Еурофарм Пелистер – Веспрем и Војводина – Мешков Брест. Финалето на Меѓународниот турнир во Сакарија е закажано за в сабота.
