Третиот натпреварувачки викенд од Светскиот куп во санкање на вештачки патеки се одвива во Парк Сити (САД).
Истиот започна со германски триумф, но потоа продолжи со двојно италијанско славје.
Најпрво, во машкиот дубл, до втората победа во сезоната дојдоа Тони Егерт и Саша Бенекен пред Јури Гат/Рикардо Шопф и пред Тобијас Вендл/Тобијас Арлт.
Во женските двојки, најбрзи беа Италијанките Андреа Фетер и Марион Оберхофер, кои триумфираа по вторпат во низа.
Зад нив, на подиумот завршија Џесика Дегенхардт и Шејен Розентал, односно Кејтлин Неш и Натали Корлес.
После двете трети места на последните две трки, во индивидуална машка конкуренција, до осмиот триумф во кариерата дојде Доминик Фишналер.
Италијанецот беше најбрз во Јута, претекнувајќи ги Феликс Лох и Давид Глајршер, кои го комплетираа пиедесталот.
