Деветтата овосезонска трка во Формула 1 беше одржана ,,Ред Бул Ринг”, каде што возачите се натпреваруваа за големата награда на Австрија.
Истата помина целосно во знакот на Макс Ферстапен, кој триумфираше по третпат во низа, односно по четврти пат на последните пет трки.
Холанѓанецот стартуваше од пол-позицијата и цело време беше во водство, притоа добивајќи дополнителен поен за најбрз круг од 1:06,200 минути.
Во генералниот поредок, возачот на ,,Ред Бул” го држи првото место со 32 бода повече во однос на второпласираниот Луис Хамилтон.
Актуелниот шампион ја заврши денешната трка на четвртото место, откако му беше констатиран дефект во болидот во завршницата.
Втората позиција ја освои вториот возач на ,,Мерцедес”, Валтери Ботас, а на најниското место на подиумот се најде Ландо Норис и покрај казната од пет секунди.
Освен нив, поени на втората трка во Австрија освоија уште: Карлос Саинц, Серхио Перез, Даниел Рикардо, Шарл Леклер, Пјер Гасли и Фернандо Алонсо.
Алонсо дојде до бодот на четири кругови пред крајот, кога го претекна пилотот на ,,Вилијамс”, Џорџ Расел, кој беше на дофат на првиот бод во својата кариера.
