Годинава ќе се одржи 51. издание на традиционалниот Струшки меѓународен ракометен турнир. Турнирот ќе се одржи од 16 до 19 август на отвореното игралиште „Горан Попоски Бабец“ покрај Женската плажа во Струга.
Покрај домаќинот Струга, оваа година на турнирот ќе ги видиме нашиот вицешампион Алкалоид, третопласираниот Вардар, АЕК Атина, Ескилстуна Гуиф и Динамо Панчево.
Годинава честа да го отворат турнирот ќе ја имаат домаќинот Струга и двократниот европски шампион Вардар. Во продолжение ви го пренесуваме целосниот распоред од натпреварите кои ќе ги погледнеме годинава на турнирот.
