Тимот на Бутел Скопје, почна со градењето на ростерот за наредната сезона. Прв што го продолжи договорот со нашиот клуб е десното крило Бојан Спасовски, кој покажува одлични изданија оваа сезона.
“Задоволен сум што го продолжив договорот со Бутел Скопје и што понатаму ќе го носам дресот на овој клуб. За мене како млад играч од особено значење е можноста што ја добивам во Бутел Скопје да напредувам како ракометар. Тука ги имам сите услови за тоа и се надевам дека ќе ги оправдам очекувањата на тренерот и управата,”изјави Спасовски.
Новиот договор е на две сезони, а Спасовски на десната крилна позиција ја дели минутажата со искусниот Златко Мојсоски.
