На денешната трка низ скопските улици, ,,ХалкЕко Скопје Трча 2022″, Дарио Ивановски постави нов национален рекорд на десет километри на пат.
Најдобриот македонски атлетичар на долги патеки ја истрча рутата од десет илјади метри за време од 29:42 минути и рекордерски ја оствари шестата победа во низа на овој настан.
Второто место кај мажите му припадна на Американецот Џастин Фримен (32:03), а подиумот го комплетираше вториот најдобар Македонец и член на АК Делта – Атанас Анчевски (32:36).
Во првите петмина се најдоа уште претставникот на Косово, Тирон Мамуша (33:05) и Леонид Вандевски (33:30).
Претставникот на ,,Јави се јужна”, Марјан Туртуров, го освои дваесет и третото место со одлично време од 37:43 минути.
Во женска конкуренција, најбрза беше Биљана Кираџиева со време од 37:48 минути, а по неа, на пиедесталот, следуваа Милјана Ристиќ (41:27) и Весна Кираџиева (43:18).
