На 17 септември 2022, Нотс Каунти загуби од Доркинг Вондерерс со 3-1, но оттогаш наваму, ,,Страчките” поставија клупски рекорд со дури дваесет и пет лигашки средби без пораз.
Сепак и оваа серија доживеа прекин во триесет и петтото коло од англиската Национална лига, кога Дагенам енд Редбриџ триумфираше во Нотингем со 1-2.
За ,,Црно-белите”, сè започна на посакуван начин, кога Рикардо Родригеш (21′) погоди за водство од 1-0 со неговиот четиринаесетти овосезонски погодок.
До крајот на првото полувреме, Анхело Баланта (31′) го израмни резултатот, а целосниот пресврт за гостите го комплетираше Иних Ефионг (86′) во самата завршница.
На табелата, Нотс Каунти остана на првото место, но со два меча повеќе од второпласираниот Рексам, додека Даг енд Ред скокна на десеттата позиција.
